Толкование на правила Святого Поместного Собора Лаодикийского

Содержание

• Правило 1 Свободно и законно соединившимся вторым браком, а не тайно совокупившимся, по прошествии непродолжительного времени, и по упражнении в молитвах и посте, должно, по снисхождению, даровати общение.
• Правило 2. Впадающих в различные согрешения, и пребывающих в молитве, исповедании и покаянии, и от злых дель совершенно обращающихся, после того как по мере согрешения дано им время покаяния ради милосердия и благости Божией, вводите в общение.
• Правило 3. Недавно крещенных не подобает производити в чин священнический.
• Правило 4. Посвященные не должны давали в рост и взимати лихву, и так называемые имиолии, то есть половинный рост.
• Правило 5. Избрание в церковные степени не должно быти в присутствии слушающих.
• Правило 6. Не попускати еретикам, коснеющим в ереси, входити в дом Божий.
• Правило 7. Обращающихся от ересей, то есть, новатиан, или фотиниан, или четыренадесятников, как оглашенных, так и верных по их мнению, приимати не прежде, как проклянут всякую ересь, особенно же ту, в которой они находились: и тогда уже глаголемые у них верные, по изучении символа веры, да будут помазаны святым миром, и тако причащаются святых таин.
• Правило 8. Обращающихся от ереси так называемых фригов, хотя бы находились в мнимом у них клире, и величайшими именовались, со всяким тщанием оглашати и крестити епископам и пресвитерам церкви.
• Правило 9. На кладбища всяких еретиков, или в так именуемые у них мученические места, да не будет позволено церковным ходити для молитвы, или для врачевания. А ходящим, аще суть верные, быти лишенными общения церковного на некое время. Кающихся же и исповедающих, яко согрешили, приимати в общение.
• Правило 10. Не должно церковным, без разбора, совокупляти детей своих брачным союзом с еретиками.
• Правило 11. Не должно поставляти в церкви так именуемые пресвитериды (старицы), или председательницы.
• Правило 12. Епископов, по суду митрополитов и окрестных епископов, поставляти на церковное начальство, и притом таких, которые с давнего времени испытаны и в слове веры, и в житии сообразном правому слову.
• Правило 13. Да не будет позволяемо сборищу народа избирати имеющих произвестися во священство.
• Правило 14. В праздник пасхи не посылати святых таин в иные приходы, в виде благословения.
• Правило 15. Кроме певцев, состоящих в клире, на амвон входящих и по книге поющих, не должно иным некоторым пети в церкви.
• Правило 16. В субботу читати и евангелие с другими писаниями.
• Правило 17. Не должно в церковных собраниях псалмы совокупляти непрерывно един к другому, но чрез промежуток по псалме быти чтению.
• Правило 18. Едино и тоежде служение молитв долженствует быти всегда, и на девятом часе и на вечерни.
• Правило 19. Подобает, во первых, по беседах епископских, особо творити молитву об оглашенных, а по изшествии оглашенных, быти молитве о кающихся: когда же и сии приищут под руку, и отидут, тогда совершати молитвы верных три: едину, то есть первую, в молчании, вторую же и третью с возглашением исполните. Посем уже мир подавати, и когда пресвитеры дадут мир епископу, тогда и мирянам взаимно мир подавати, и тако совершати святое преношение. И единым токмо освященным позволено входитт в олтарь, и тамо приобщатися.
• Правило 20. Не подобает диакону сидети в присутствии пресвитера, но с повелением пресвитера сести. Подобно и диаконам, имети честь от иподиаконов и от всех причетников.
• Правило 21. Иподиаконам не подобает быти на месте диаконов, и касатися священных сосудов.
• Правило 22. Не должно низшему служителю церковному орарь носити, ни двери оставляти.
• Правило 23. Не должно чтецам или певцам орарь носити, и тако читати и пети.
• Правило 24. Не подобает освященному лицу, от пресвитера до диакона, и потом кому либо из церковного чина, даже до иподиаконов, или чтецев, или певцев, или заклинателей, или дворников, или из монашеского чина, в корчемницу входити.
• Правило 25. Не подобает иподиакону раздавати хлеб, или благословляти чашу.
• Правило 26. Не произведенным от епископа не должно заклинати ни в церквах, ни в домах.
• Правило 27. Не подобает освященным лицам, или причетникам, или мирянам, призываемым на трапезу любви, уносити от нее части: ибо сим причиняется оскорбление церковному чину.
• Правило 28. Не подобает в храмах Господних или в церквах совершати, так именуемые, трапезы любви, и в доме Божием ести, и возлежание творити.
• Правило 29. Не подобает христианам иудействовати, и в субботу праздновати, но делати им в сей день: а день воскресный преимущественно праздновати, аще могут, яко христианам. Аще же обрящутся иудействующие: да будет анафема от Христа.
• Правило 30. Не подобает освященному лицу, или причетнику, или монаху, мытися в бане с женами, ниже всякому христианину или мирянину: ибо сие есть первое обвинение от язычников.
• Правило 31. Не подобает со всяким еретиком заключали брачный союз, или отдавати таковым сынов или дщерей, но паче брати от них, аще обещаются христианами быти.
• Правило 32. Не подобает от еретиков принимати благословения, которые суть суесловия паче, нежели благословения.
• Правило 33. Не подобает молитися с еретиком, или отщепенцем.
• Правило 34. Всякому христианину не подобает оставляли мучеников Христовых, и отходити ко лжемученикам, которые, то есть, у еретиков находятся, или сами еретиками были. Ибо сии удалены от Бога: того ради и прибегающие к ним да будут под клятвою.
• Правило 35. Не подобает христианам оставляли церковь Божию, и отходити, и ангелов именовати, и творити собрания. Сие отвержено. Того ради, аще кто обрящется упражняющимся в таковом тайном идолослужении, да будет анафема: понеже оставил Господа нашего Иисуса Христа, Сына Божия, и приступил к идолослужению.
• Правило 36. Не подобает освященным или причетникам быти волшебниками, или обаятелями, или числогадателями, или астрологами, или делати так именуемые предохранилища, которые суть узы душ их. Носящих же оные повелели мы извергати из церкви.
• Правило 37. Не должно принимали праздничные дары, посылаемые от иудеев, или еретиков, ниже праздновати с ними.
• Правило 38. Не должно принимати от иудеев опресноки, или приобщатися нечестиям их.
• Правило 39. Не должно праздновали с язычниками и приобщатися безбожию их.
• Правило 40. Епископам, на собор призываемым, не подобает небрещи, но ити и вразумляти, или вразумляться ко благоустроению церкви, и прочаго. Аще же пренебрежет таковый, то сам себе обвинит: разве аще по болезни останется.
• Правило 41. Освященному, или причетнику не должно путешествовати без правильные граматы от епископа.
• Правило 42. Освященному, или причетнику не должно путешествовати без повеления епископа.
• Правило 43. Не подобает слугам церковным и на малое время оставляти двери, дабы в молитвословия упражняться. (Трул. 4, 6, 15; лаод. 20, 21, 22, 24, 25).
• Правило 44. Не подобает жене в алтарь входити.
• Правило 45. По двух седмицах четыредесятницы, не должно принимати к крещению.
• Правило 46. Крещаемым должно изучати веру, и в пятый день седмицы давати ответ епископу, или пресвитерам.
• Правило 47. В болезни приявшим крещение, и потом получившим здравие, подобает изучати веру, и познавати, яко божественного дара сподобилися.
• Правило 48. Подобает просвещаемым быти помазуемым помазанием небесным, и быти причастниками царствия Божия. (III всел. 7; трул. 95).
• Правило 49. Не подобает в четыредесятницу приносити святый хлеб, разве токмо в субботу, и в день воскресный. (Ап. 66, 69; трул. 52; лаод. 50, 51, 52).
• Правило 50. В четверток последние седмицы четыредесятницы не подобает разрешати пост, и всю четыредесятницу бесчествовати: но должно во всю четыредесятницу поститися с сухоядением.
• Правило 51. Не подобает в четыредесятницу дни рождения мучеников праздновати, но совершати память святых мучеников в субботы и в дни воскресные.
• Правило 52. Не подобает в четыредесятницу совершати браки, или праздновати дни рождения.
• Правило 53. Не подобает христианам, на браки ходящим. скакати или плясати, но скромно вечеряти и обедати, как прилично христианам.
• Правило 54. Не подобает освященным, или причетникам зрети позорищные представления на браках или на пиршествах: но прежде вхождения позорищных лиц воставати им и отходити.
• Правило 56. Не подобает пресвитерам прежде входа епископа входити и сидети в олтаре, но с епископом входити, кроме случая, когда епископ немощен или в отсутствии.
• Правило 57. Не подобает в малых градах и селах поставляти епископов, но периодевтов: а поставленным уже прежде, ничего не творити без воли епископа града. Такожде и пресвитерам ничего не творити без воли епископа.
• Правило 58. Не подобает епископам, или пресвитерам, совершати приношение в домах.
• Правило 59. Не подобает в церкви глаголати псалмы не священные, или книги не определенные правилом, но токмо в правилах означенные книги ветхого и нового завета.
• Правило 60 Читати подобает книги сии, ветхого завета: 1) Бытие мира, 2) Исход из Египта, 3) Левит, 4) Числа, 5) Второзаконие, 6) Иисус Навин, 7) Судии, Руфь, 8) Есфирь, 9) Царств первая и вторая, 10) Царств третья и четвертая, 11) Паралипоменон первая и вторая, 12) Ездры первая и вторая, 13) Книга псалмов ста пятидесяти, 14) Притчи Соломона, 15) Екклисиаст, 16) Песнь песней, 17) Иов, 18) Дванадесять пророков, 19) Исаиа, 20) Иеремиа, Варух, Плач и послание, 21) Иезекииль, 22) Даниил, Нового же завета, евангелий четыре: от Матфея, от Марка, от Луки, от Иоанна, Деяния апостольские, посланий соборных седмь сии: Иакова едино, Петра два, Иоанна три, Иуды едино: посланий Павловых четыренадесять, к Римляном едино, к Коринфяном два, к Галатом едино, к Ефесеем едино, к Еилипписием едино, к Колоссаем едино, к Солуняном два, к Евреем едино, к Тимофею два, к Титу едино, и к Филимону едино.